Departamento di Impuesto ta den proceso di digitalisacion di e declaracion mensual di impuesto comercial. Como tal entrante luna di mei 2020, tur negoshi na Aruba obligatoriamente mester ta registra na e plataforma di impuesto digital BO impuesto “BOi”. Entrante luna di juni 2020 sector priva di Aruba lo conoce un era nobo na unda tur declaracion di impuesto di negoshi lo wordo entrega mensualmente den forma digital. Esey ta nifica cu declaracion por medio di formularionan di papel y paramento den rij pa stempel definitivamente lo bira algo di pasado. Por medio di e plataforma digital “BOi” negoshinan lo por haci nan declaracion na un manera simpel, sigur y eficiente via desktop computer of mobile device.

Pa bo keda bon informa di e proceso di registracion obligatorio na e plataforma digital di impuesto, por fabor sigui nos riba Facebook pagina “Departamento di Impuesto”.

Digitalisacion di impuesto lo bira un realidad!

Un mensahe di Departamento di Impuesto.

Cumpliendo cu Aruba

Niet gevonden wat u zocht?