Haci un cita mas pronto cu ta posibel

ORANJESTAD – Departamento di Impuesto ta informa cu su campaña pa yuda cu yenamento di e declaracion (aangiftebiljet) di inkomstenbelasting 2019 ta yegando su final. Den e siguiente dianan te cu diabierna, 27 di november, e personanan di edad 60+ cu ta cumpli cu e condicionnan por bin na remarke pa haya ayudo. 

E condicionan

1. E persona mester ta di edad 60 of mas.
2. E entrada no tabata mas cu Afl. 75.000 durante aña 2019.
3. E persona no tin negoshi of ta traha riba su mes.
4. Ta yuda yena solamente un formulario pa persona.
5. Mester haci un afspraak.

Pa haci cita mester bishita e website: impuesto.aw > Afspraak maken > Hulp bij aangifte inkomstenbelasting(externe link).
 

Trece documento 

Departamento di Impuesto ta pidi su clientenan pa trece e formulario di declaracion hunto cu tur comprobante necesario relaciona cu entrada y gasto, tanto na Aruba como den exterior.

Ultimo siman

E siman aki ta e ultimo siman cu Departamento di Impuesto lo tin su personal disponibel pa yuda e personanan di edad 60+. Despues di dia 27 di november lo no ta posibel mas pa haya ayudo. 

E ultimo dia pa entrega e declaracion di inkomstenbelasting 2019 a cambia y awor ta 26 di februari 2021.

Gerencia di Departamento di Impuesto
22 di november 2020