Oficina principal di Departamento di Impuesto ta cera pa publico diaranson dia 24 di april 2024
En conexion cu trabounan di mantencion necesario
ORANJESTAD – Departamento di Impuesto ta anuncia cu su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
| Localidad | Servicio | Orario |
|---|---|---|
| Oficina principal na Camacuri | --- | Cera |
| Oficina anexo na Camacuri (Ta drenta na porta nr. 2) | - Servicio di caha pa persona 60+ (no comerciante) y pa e personanan cu ta haya onderstand - Busca of entrega plachi di number | 7:45 - 11:30 | 1:15 - 3:30 |
| Oficina anexo na Camacuri (Ta drenta na porta nr. 5) | Servicio na cliente: Entrega of busca documento | 7:45 - 11:30 | 1:15 - 3:30 |
| E oficinanan situa na: MFA Noord MFA Paradera MFA Santa Cruz MFA Savaneta Postkantoor San Nicolas | - Servicio di caha - Registra auto - Haci cambio riba vehiculo di motor | 8:00 - 12:00 | 1:00 - 3:00 |
E servicio na cliente via telefon 522 7424 ta continua durante e orario di custumber: 7:45 - 11:30 | 1:15 - 3:30. Departamento di Impuesto ta pidi su contribuyentenan pa tuma bon nota di e anuncio importante aki pa asina evita cualkier inconveniencia.
Gerencia di Departamento di Impuesto
23 di april 2024