Haci reservacion pa sigura Bo luga

ORANJESTAD – E ley di BBO na frontera a drenta na vigor 1 di augustus 2023 y ta encera cu lo bay cuminsa cobra BBO, BAVP y BAZV na momento cu ta importa producto na Aruba. Ta importante pa comunidad en general, specialmente e comerciantenan, ta na altura di e cambionan di ley y procesonan nobo cu esakinan ta trece cune. Pesey Departamento di Impuesto a organisa 2 sesion extra di informacion dianan 17 y 18 di augustus venidero. 

E orario ta lo siguiente:
17 di augustus 2023     2:00-4:00 pm
18 di augustus 2023     10:00 am -12:00 pm
Por scohe un di e fechanan menciona y haci reservacion via nos formulario digital: 

Reservacion(externe link)

Debi cu cupo ta limita, lo acepta maximo 2 persona pa cada reservacion. E invitacion ta valido pa tur comerciante. Na final di e sesion lo tin oportunidad pa haci pregunta relaciona cu e cobransa di BBO na frontera. 

Gerencia di Departamento di Impuesto
11 di augutus 2023