Home  |  Organisatie  |  Vacatures
 
27 mei 2017
 

Persberichten

Huidige artikelen

woensdag 14 november 2012 - Ta sumamente importante pa registra adres corecto na Servicio di Impuesto

Evita cu corespondencia importante no ta yega su destino corecto

ORANJESTAD – Servicio di Impuesto ta recorda su clientenan cu ta sumamente importante pa registra adres corecto na Servicio di Impuesto. Esaki ta responsabilidad di cada cliente, pues tanto persona particular como empresa. De lo contrario e clientenan lo no ricibi corespondencia importante, locual na final por resulta den un debe hopi halto sin tin mester y sin cu e cliente tawata na altura di un ke otro te ora cu pone beslag.

Si no registra adres corecto
Si no percura pa registra e adres corecto, esaki por causa un sin fin di consecuencia indesea.
Aki ta sigui algun ehempel di e consecuencianan si no registra adres corecto.

Cliente no ta ricibi:

Consecuencia

Formulario di declaracion (aangiftebiljet)

Cliente ta ricibi un cobransa taxativo inclui boet di minimo 250,- y maximo 10.000,-.
Pa e cobransa aki inspector ta calcula e entrada of ganashi fiscal sin tene cuenta cu gasto.

Aanmaning of cobransa

Aanmaning of cobransa ta mara na un termino pa reacciona. Si cliente no reacciona, e debe di belasting ta aumenta cu gastonan administrativo manera interes etc.
Ley ta permiti cliente haci obhecion riba cobransa dentro di 2 luna despues di fecha di cobransa. Si e termino aki pasa, e posibilidad pa trata un carta di obhecion despues ta limita.
Hasta un eventual apelacion na hues kisas lo no ta posibel mas.
Tur ta depende cuanto tempo a pasa prome cu cliente reacciona.

Carta den cual ta pidi informacion of
carta di coreccion

Carta den cual ta pidi mas informacion no lo yega, anto inspector lo saca e cobransa basa riba propio evaluacion.
Cliente lo no haya sa ki coreccion a wordo haci.

Carta di notificacion di restitucion

Cliente no lo haya sa kico su restitucion total ta y tampoco lo haya sa cua debe a desconta di su restitucion.

 

 

 

 

 

 

 

 

 

 

 

 

 

 

 

 

Esakinan ta djis algun ehempel pa concientisa e clientenan riba e consecuencianan di adres incorecto.
Mester tene na cuenta cu den asunto di belasting mayoria corespondencia ta mara na un termino. E terminonan aki ta ‘determinante’. Si cliente no reacciona dentro di termino, e cliente su debe ta keda acumula (interes, boet, gasto) te cu dado momento e cliente lo por haya su mes cu beslag riba su pertenencianan of salario.
Alabes e cliente lo por haya su mes ta regla documentonan (declaracionnan, comprobantenan di entrada y gasto, cartanan di obhecion, peticionnan pa areglo di pago) relaciona cu añanan bieu, sin cu e cliente tin e garantia cu lo tuma esakinan den tratamento. Tur ta depende cuanto tempo a pasa prome cu cliente a reacciona.

Kico mester haci?
Na momento cu cambia adres, ta importante pa registra e adres nobo na Servicio di Impuesto. Persona particular ta yena e formulario ‘Opgaaf persoonsgegevens particulieren’. Pa empresa mester yena e formulario ‘Opgaaf of wijziging adres & telefoon bedrijven’.
Alabes mester agrega un copia di cedula, rijbewijs of paspoort na e formulario. Pa empresa mester pone tambe acerca e comprobante di registracion na Camara di Comercio.
E formularionan menciona ta disponibel tambe riba www.siad.aw.
Despues ta entrega e documentonan na Servicio di Impuesto sea na Camacuri of na Oficina di gobierno na San Nicolas.

Evita cu corespondencia importante no ta yega su destino corecto. Evita acumulacion di debe. Evita beslag.
Asunto di belasting ta importante y Servicio di Impuesto kier mantene un bon relacion cu su clientenan. Pesey Servicio di Impuesto ta haci un apelacion fuerte na tur cliente, tanto persona particular of empresa, pa percura duna adres corecto na Servicio di Impuesto y evita sorpresa desagradabel despues. Duna bo adres nobo awe mes.


GERENCIA DI SERVICIO DI IMPUESTO
14 di november 2012
 

Filter op maand

mei 2017 (6)
april 2017 (6)
maart 2017 (5)
februari 2017 (12)
januari 2017 (6)
december 2016 (4)
november 2016 (7)
oktober 2016 (6)
september 2016 (6)
augustus 2016 (3)
juli 2016 (4)
juni 2016 (2)
mei 2016 (2)
april 2016 (9)
maart 2016 (5)
februari 2016 (9)
januari 2016 (2)
december 2015 (7)
november 2015 (7)
oktober 2015 (1)
september 2015 (7)
augustus 2015 (4)
juli 2015 (1)
juni 2015 (4)
mei 2015 (1)
april 2015 (4)
maart 2015 (4)
januari 2015 (4)
december 2014 (6)
november 2014 (5)
oktober 2014 (9)
september 2014 (4)
augustus 2014 (2)
juli 2014 (2)
juni 2014 (6)
mei 2014 (2)
april 2014 (3)
maart 2014 (4)
februari 2014 (4)
januari 2014 (9)
december 2013 (6)
november 2013 (3)
oktober 2013 (1)
september 2013 (6)
augustus 2013 (1)
juni 2013 (3)
mei 2013 (3)
april 2013 (1)
maart 2013 (1)
februari 2013 (4)
januari 2013 (8)
december 2012 (4)
november 2012 (3)
september 2012 (1)
augustus 2012 (1)
juli 2012 (3)
juni 2012 (3)
mei 2012 (5)
april 2012 (3)
maart 2012 (6)
februari 2012 (3)
januari 2012 (3)
december 2011 (2)
november 2011 (2)
september 2011 (2)
augustus 2011 (1)
juli 2011 (1)
juni 2011 (4)
mei 2011 (2)
april 2011 (2)
maart 2011 (4)
februari 2011 (7)
januari 2011 (8)
december 2010 (2)
november 2010 (5)
oktober 2010 (3)
september 2010 (4)
augustus 2010 (2)
juli 2010 (4)
juni 2010 (7)
mei 2010 (2)
april 2010 (1)
maart 2010 (10)
februari 2010 (6)
januari 2010 (10)
december 2009 (12)
november 2009 (1)
oktober 2009 (4)
september 2009 (5)
augustus 2009 (1)
juli 2009 (2)
juni 2009 (11)
mei 2009 (2)
april 2009 (3)
maart 2009 (4)
februari 2009 (1)
januari 2009 (3)
oktober 2008 (4)