Home  |  Organisatie  |  Vacatures
 
24 mei 2019
 

Persberichten

Huidige artikelen

vrijdag 28 november 2014 - Ley di belasting destina pa AZV ta drenta na vigor dialuna awo

E tarifa ta 1% di e benta di empresa

ORANJESTAD – Departamento di Impuesto ta informa cu dialuna awo, dia 1 di december 2014, e ley di belasting nobo yama ‘Ordenansa nacional di belasting destina pa AZV’ (Landsverordening bestemmingsheffing AZV) en corto ‘BAZV’ ta drenta na vigor. Siguientemente ta sigui un splicacion cortico di e ley nobo aki.

Kende tin cu paga BAZV?
E empresario ta e suheto cu tin cu paga BAZV na Departamento di Impuesto.

Riba kico ta cobra BAZV?
Ta cobra BAZV riba e benta di empresa unda en principio ta mantene e sistema di caha. Esaki ta nifica cu un empresario mester paga BAZV na momento cu e ricibi pago (compensacion) pa e producto of servicio cu el a bende.

Tin posibilidad si pa mantene e sistema di factura. Esaki ta sosode riba peticion di un empresario. Den e caso aki ta paga BAZV na momento cu e empresa saca un factura pa un producto of servicio bendi.
E empresanan cu ya caba tin un decision oficial di inspector (beschikking) pa mantene e sistema di factura riba BBO, no tin mester di haci un peticion nobo. Pa motibonan practico Departamento di Impuesto ta aproba pa uza e mesun decision ey pa BAZV tambe.

Ki momento no tin mester di paga BAZV?
Den e mundo comercial por tin un momento cu un comerciante ta ricibi su pago pero ta entrega su producto of duna su servicio mas laat.

Mirando e fecha (1 di december 2014) cu BAZV ta drenta na vigor, Departamento di Impuesto ta duna e siguiente aclaracion riba e situacionnan unda pago y entregamento di producto/servicio no ta sosode na mes momento.
 

Prome cu 1 di december 2014

 

Despues di 1 di december 2014

Comerciante mester paga BAZV?

Comerciante a bende un producto of comerciante a duna un servicio, pero no a ricibi pago ainda di su cliente.

Comerciante ta ricibi pago pa e benta.

No.

Den e situacion aki no tin base pa paga BAZV, debi cu e benta a tuma lugar prome cu 1 di december 2014 y na e momentonan ey e ley no a drenta na vigor ainda.

 

Comerciante a bende y a ricibi pago pa su producto of servicio, pero e no a entrega e producto ainda of e no a duna e servicio ainda na su cliente.

 

Comerciante ta entrega su  producto of ta duna su servicio na su cliente

No.

Den e situacion aki Departamento di Impuesto ta aproba cu e comerciante no tin mester di paga BAZV.


 

 

 

 

 

 

 

 

 

 

 

 

 

E tarifa di BAZV?
E tarifa di BAZV ta 1% di e compensacion ricibi riba benta di producto of servicio. Esaki ta e base cu ta valido tambe pa BBO.

Calculacion di BAZV (y BBO)   

UPDATE 23 januari 2015: 
Aki ta trata di un calculacion di e belasting cu e comerciante mester haci. E calculacion aki ta sosode den e administracion interno y no riba recibo. Departamento di Impuesto no a indica den e ehempel aki cu ta asina mester skirbi e recibo.


Aki ta sigui un ehempel con pa calcula BAZV (y BBO)

Producto/servicio ta costa     Afl. 100,--
BBO 1.5%                              Afl.     1,50
BAZV 1%                                Afl.     1,--
Suma total ricibi di cliente      Afl. 102,50

Suma di BAZV cu comerciante mester paga ta 1% di 102,50 ta Afl. 1,02.
Suma di BBO cu comerciante mester paga ta 1,5% di 102,50 ta Afl. 1,53.

Haci declaracion di BAZV
Mescos cu BBO, loonbelasting etc., e empresario ta haci declaracion y pago di BAZV riba un base mensual y no mas laat cu dia 15 di cada luna.E prome declaracion ta regarda e luna di december 2014 y mester haci esaki no mas laat cu dia 15 di januari 2015. Mescos ta conta pa e pago corespondiente.

Formulario di declaracion
Departamento di Impuesto ta pidi tur empresario pa declara BAZV riba e mesun formulario di BBO debi cu ya e empresario tin e formularionan caba y e mesun detayenan cu ta rekeri pa e declaracion di BBO ta valido tambe pa e declaracion di BAZV. Pues e empresarionan no lo ricibi un formulario di declaracion di BAZV separa. Klik aki pa mira un ehempel di e declaracion di BBO y BAZV hunto.

Na e momentonan aki Servicio di Post ta partiendo e paketenan di BBO 2015. Dentro di poco tur empresario lo tin e formularionan di declaracion 2015 den nan man. Departamento di Impuesto ta pidi pa uza e mesun formulario di BBO aki pa BAZV tambe.

Unidad fiscal
Tin empresa cu tin un decision oficial di inspector (beschikking) cu ta permiti e empresa pertenece na un ‘unidad fiscal’ (fiscale eenheid). Pa motibonan practico, Departamento di Impuesto ta aproba cu e mesun decision oficial ey automaticamente ta bira valido tambe pa BAZV.

Dispensacion di BAZV
E ley di BAZV ta contene e mesun dispensacionnan cu ta valido pa BBO. Pues, e empresanan cu na e momentonan aki tin dispensacion di BBO riba cierto servicio of producto, automaticamente tin dispensacion tambe pa BAZV.

Comerciante tin cu menciona BAZV riba factura
E ley di BAZV ta impone cu tur comerciante mester menciona e suma di BAZV riba e factura di compra.
E cliente mester por wak riba su recibo di compra ki ta e suma di BAZV.


Gerencia di Departamento di Impuesto
28 di november 2014

 

 

Filter op maand

mei 2019 (3)
april 2019 (2)
maart 2019 (5)
februari 2019 (1)
januari 2019 (1)
december 2018 (6)
november 2018 (3)
oktober 2018 (2)
september 2018 (1)
augustus 2018 (2)
juli 2018 (2)
juni 2018 (7)
mei 2018 (5)
april 2018 (4)
maart 2018 (13)
februari 2018 (4)
januari 2018 (6)
december 2017 (5)
november 2017 (6)
oktober 2017 (2)
september 2017 (6)
augustus 2017 (1)
juli 2017 (1)
juni 2017 (6)
mei 2017 (6)
april 2017 (6)
maart 2017 (5)
februari 2017 (12)
januari 2017 (6)
december 2016 (4)
november 2016 (7)
oktober 2016 (6)
september 2016 (6)
augustus 2016 (3)
juli 2016 (4)
juni 2016 (2)
mei 2016 (2)
april 2016 (9)
maart 2016 (5)
februari 2016 (9)
januari 2016 (2)
december 2015 (7)
november 2015 (7)
oktober 2015 (1)
september 2015 (7)
augustus 2015 (4)
juli 2015 (1)
juni 2015 (4)
mei 2015 (1)
april 2015 (4)
maart 2015 (4)
januari 2015 (4)
december 2014 (6)
november 2014 (5)
oktober 2014 (9)
september 2014 (4)
augustus 2014 (2)
juli 2014 (2)
juni 2014 (6)
mei 2014 (2)
april 2014 (3)
maart 2014 (4)
februari 2014 (4)
januari 2014 (9)
december 2013 (6)
november 2013 (3)
oktober 2013 (1)
september 2013 (6)
augustus 2013 (1)
juni 2013 (3)
mei 2013 (3)
april 2013 (1)
maart 2013 (1)
februari 2013 (4)
januari 2013 (8)
december 2012 (4)
november 2012 (3)
september 2012 (1)
augustus 2012 (1)
juli 2012 (3)
juni 2012 (3)
mei 2012 (5)
april 2012 (3)
maart 2012 (6)
februari 2012 (3)
januari 2012 (3)
december 2011 (2)
november 2011 (2)
september 2011 (2)
augustus 2011 (1)
juli 2011 (1)
juni 2011 (4)
mei 2011 (2)
april 2011 (2)
maart 2011 (4)
februari 2011 (7)
januari 2011 (8)
december 2010 (2)
november 2010 (5)
oktober 2010 (3)
september 2010 (4)
augustus 2010 (2)
juli 2010 (4)
juni 2010 (7)
mei 2010 (2)
april 2010 (1)
maart 2010 (10)
februari 2010 (6)
januari 2010 (10)
december 2009 (12)
november 2009 (1)
oktober 2009 (4)
september 2009 (5)
augustus 2009 (1)
juli 2009 (2)
juni 2009 (11)
mei 2009 (2)
april 2009 (3)
maart 2009 (4)
februari 2009 (1)
januari 2009 (3)
oktober 2008 (4)