Home  |  Organisatie  |  Vacatures
 
23 augustus 2019
 

Persberichten

Huidige artikelen

maandag 6 oktober 2014 - Ley di responsabilisacion di impuesto y prima di seguro social ta na vigor

Tin regla nobo y adapta pa cu responsabilisacion di debe di impuesto

ORANJESTAD – Manera conoci Ordenansa nacional responsabilisacion di impuesto y prima di seguro social a drenta na vigor entrante 1 di juni 2014.

E ley aki ta contene diferente regla pa cu responsabilisacion di debe di impuesto. Algun di e reglanan aki ta nobo por ehempel e responsabilisacion pa cu e contratistanan y e responsabilisacion pa cu esnan cu ta dispone di empleado temporario. E otronan ta reglanan cu ya caba tawata hinca den otro leynan. Algun di nan a wordo cambia. Meta di e ley nobo ta pa cobra impuesto y prima di seguro social na un forma mas eficiente. Akibou ta duna un bista en corto di tur e reglanan cu ta para den e ley aki.

Responsabilisacion pa cu e contratistanan
Un contratista por encarga su trabounan na un subcontratista. E subcontratista aki mester paga loonbelasting y e primanan di seguro social en conexion cu e contrato di trabou cu el a haya. Si e subcontratista aki no paga loonbelasting y prima, sea completamente of parcialmente, e ora por pone e contratista responsabel pa e pago ey a base di e ley nobo aki. E forma di responsabilisacion aki yama responsabilisacion pa cu e contratistanan (aannemersaansprakelijkheid).

Responsabilisacion pa cu esnan cu ta dispone di empleado temporario
Un doño di trabou por pone su empleado na disposicion di un otro persona, pa e traha bou mando of supervision di e otro persona aki. Ley ta yama e doño di trabou aki ‘de uitlener’. Anto esun cu ta haya e empleado bou su mando of supervision yama ‘de inlener’.

E empleado mes ta keda den servicio di su doño di trabou, kende pues mester paga loonbelasting y e primanan. Si e doño di trabou aki (de uitlener) no paga e loonbelasting y e primanan ey, sea completamente of parcialmente, e ora e otro persona cu tin e empleado na su disposicion (de inlener) por wordo poni responsabel di acuerdo cu e ley nobo aki. E forma di responsabilisacion aki yama responsabilisacion pa cu esnan cu ta dispone di empleado temporario (inlenersaansprakelijkheid).

Responsabilisacion relaciona cu e empresanan cu ta persona huridico
E dirigentenan di e empresanan cu ta persona huridico, por ehempel un NV, por wordo poni solidariamente responsabel (hoofdelijk aansprakelijk) si e empresa no por paga su impuesto- y primanan.

Den e ley nobo ta stipula cu esaki ta conta pa tur impuesto y prima di seguro social. E forma di responsabilisacion aki yama responsabilisacion pa cu e dirigentenan.

Responsabilisacion relaciona cu e entidadnan cu no ta persona huridico, e entidadnan den exterior y e entidadnan disolvi
Cada dirigente di un entidad cu no ta persona huridico, por ehempel un sociedad di practicante di un profesion specifico (maatschap), por wordo poni responsabel si e empresa no por paga su impuesto- y primanan.

Ora un entidad den exterior no por paga su impuesto- y primanan, e manager di e establecimento permanente, por ehempel un oficina of shop, por wordo poni responsabel. Ta trata aki di e manager cu ta na Aruba of e representante permanente bibando of situa na Aruba.

Si a disolve un entidad, por pone e persona encarga cu e likidacion responsabel. Esey ta e persona cu ta percura pa terminacion di e asuntonan coriente y pa particion di e biennan. Si e persona aki a wordo nombra pa un hues, e ora e no por wordo poni responsabel.

Responsabilisacion relaciona cu esun cu obligacion di haci retencion, e contratista situa den exterior y empleado
E siguiente personanan por wordo poni responsabel pa loonbelasting y prima di seguro social cu mester a wordo paga door di esun cu obligacion di haci retencion of e contratista situa den exterior:

  • E manager di e establecimento permanente na Aruba
  • E representante permanente biba of situa na Aruba
  • E persona cu tin e maneho di e trabounan cu mester wordo haci na Aruba

E organisador, co-organisador of esun cu ta manda organisa un presentacion of evento deportivo na Aruba, ta responsabel pa e loonbelasting di e artista of deportista profesional cu no ta biba na Aruba.

Un empleado por ta solidariamente responsabel si no a retene loonbelasting y prima di seguro social di su salario.

Responsabilisacion pa cu e companianan transparente
Un compania transparente ta responsabel pa e debenan di impuesto riba e entrada atribui na e personanan cu derecho di participacion.

Mas informacion
Por haya mas informacion di e ley nobo via www.siad.aw/aansprakelijkheid. Aki ta menciona por ehempel con halto e suma di responsabilisacion di impuesto ta, con bo por reduci e risicio di responsabilisacion y con e responsabilisacion di impuesto ta funciona exactamente.

Cliente por haci pregunta tambe via aansprakelijkheid@siad.aw.

 

Gerencia di Departamento di Impuesto
6 di oktober 2014

Filter op maand

augustus 2019 (1)
juli 2019 (1)
juni 2019 (1)
mei 2019 (3)
april 2019 (2)
maart 2019 (5)
februari 2019 (1)
januari 2019 (1)
december 2018 (6)
november 2018 (3)
oktober 2018 (2)
september 2018 (1)
augustus 2018 (2)
juli 2018 (2)
juni 2018 (7)
mei 2018 (5)
april 2018 (4)
maart 2018 (13)
februari 2018 (4)
januari 2018 (6)
december 2017 (5)
november 2017 (6)
oktober 2017 (2)
september 2017 (6)
augustus 2017 (1)
juli 2017 (1)
juni 2017 (6)
mei 2017 (6)
april 2017 (6)
maart 2017 (5)
februari 2017 (12)
januari 2017 (6)
december 2016 (4)
november 2016 (7)
oktober 2016 (6)
september 2016 (6)
augustus 2016 (3)
juli 2016 (4)
juni 2016 (2)
mei 2016 (2)
april 2016 (9)
maart 2016 (5)
februari 2016 (9)
januari 2016 (2)
december 2015 (7)
november 2015 (7)
oktober 2015 (1)
september 2015 (7)
augustus 2015 (4)
juli 2015 (1)
juni 2015 (4)
mei 2015 (1)
april 2015 (4)
maart 2015 (4)
januari 2015 (4)
december 2014 (6)
november 2014 (5)
oktober 2014 (9)
september 2014 (4)
augustus 2014 (2)
juli 2014 (2)
juni 2014 (6)
mei 2014 (2)
april 2014 (3)
maart 2014 (4)
februari 2014 (4)
januari 2014 (9)
december 2013 (6)
november 2013 (3)
oktober 2013 (1)
september 2013 (6)
augustus 2013 (1)
juni 2013 (3)
mei 2013 (3)
april 2013 (1)
maart 2013 (1)
februari 2013 (4)
januari 2013 (8)
december 2012 (4)
november 2012 (3)
september 2012 (1)
augustus 2012 (1)
juli 2012 (3)
juni 2012 (3)
mei 2012 (5)
april 2012 (3)
maart 2012 (6)
februari 2012 (3)
januari 2012 (3)
december 2011 (2)
november 2011 (2)
september 2011 (2)
augustus 2011 (1)
juli 2011 (1)
juni 2011 (4)
mei 2011 (2)
april 2011 (2)
maart 2011 (4)
februari 2011 (7)
januari 2011 (8)
december 2010 (2)
november 2010 (5)
oktober 2010 (3)
september 2010 (4)
augustus 2010 (2)
juli 2010 (4)
juni 2010 (7)
mei 2010 (2)
april 2010 (1)
maart 2010 (10)
februari 2010 (6)
januari 2010 (10)
december 2009 (12)
november 2009 (1)
oktober 2009 (4)
september 2009 (5)
augustus 2009 (1)
juli 2009 (2)
juni 2009 (11)
mei 2009 (2)
april 2009 (3)
maart 2009 (4)
februari 2009 (1)
januari 2009 (3)
oktober 2008 (4)