Mescos ta conta pa e paketenan di toeristenheffing, speelvergunningsrecht, BBV y BBVAM

ORANJESTAD – Na e momentonan aki Departamento di Impuesto ta preparando pa cuminsa otorga e paketenan di loonbelasting y BBO/BAVP/BAZV di aña 2020. Mescos ta conta pa e paketenan di toeristenheffing, speelvergunnings-recht, BBV y BBVAM. E paketenan lo wordo manda via post den luna di december proximo. Pa e conseheronan fiscal of oficinanan di administracion lo tin un servicio special. Departamento di Impuesto ta dispuesto pa otorga e paketenan personalmente na e conseheronan si manda un e-mail cu e peticion na tempo y si cumpli cu e condicionnan rekeri.

Procedura pa otorgamento di pakete na un consehero

E servicio special pa conseheronan ta valido pa e conseheronan cu tin mas cu 10 cliente. E procedura ta:

  • Ta manda e lista di cliente pa Departamento di Impuesto via e-mail: pakket@impuesto.aw
  • E lista mester contene e siguiente informacion di cada cliente: persoonsnummer, nomber, adres, e-mail, tipo di belasting. Ta manda e lista den forma di un MS Excel file. Via e e-mailadres menciona por pidi Departamento di Impuesto pa e MS Excel-file si acaso e consehero no tin esun di e aña anterior.
  • E fecha final pa entrega e lista di cliente ta 13 di december 2018. Despues di e fecha aki lo no procesa peticionnan nobo.
  • E conseheronan lo wordo notifica via e-mail ora cu e paketenan ta cla pa busca.
  • E clientenan di e conseheronan tambe lo bay wordo notifica via e-mail cu nan pakete a wordo entrega na nan consehero. Departamento di Impuesto kier reitira cu e cliente ta keda responsabel pa e pakete di formularionan di impuesto. Lo no bay otorga duplicado si e pakete a wordo entrega caba na un consehero.
  • Ultimo dia pa busca e paketenan ta 18 di december 2019. Despues di e fecha aki Departamento di Impuesto lo manda e paketenan post.

Ta importante pa menciona cu na februari 2020 tur comerciante por cuminsa haci nan declaracion di impuesto mensual completamente digital. Pa e motibo aki a scoge pa otorga solamente 6 luna di e formularionan menciona, pa duna tur comerciante chens pa registra nan compañía(nan). Mas lihe registra, mas lihe por stop di para den rij tur luna pa entrega e declaracion.

Haci un cita mas pronto posibel pa asina haya acceso na e portal “BO impuesto”.

Downloads