Huidige artikelen
dinsdag 30 januari 2018 - Dia 30 di maart 2018 ta e ultimo dia pa entrega 'verzamelloonstaat' y 'verzamelstaat opgaaf derden' di aña 2017
No tin mester di haci peticion pa prolongacion di termino
ORANJESTAD – Departamento di Impuesto ta participa cu ta prolonga e termino pa entrega e lista colectivo di salario (verzamelloonstaat) y e lista colectivo di pago na tercera persona (verzamelstaat opgaaf derden) di aña 2017. E ultimo dia pa entrega e listanan aki ta 30 di maart 2018. E prolongacion di termino aki ta conta automaticamente pa tur cliente. Pues no tin mester di entrega un peticion pa prolongacion di termino.
Mester remarca cu ta duna e prolongacion di termino aki un biaha so y pesey Departamento di Impuesto ta haci un apelacion na tur cliente pa entrega e listanan menciona na tempo y no warda te na ultimo. Mester tene na cuenta cu ta tuma tempo pa controla e listanan na momento di entregamento. Si warda te na ultimo ta nifica e tempo di espera ta bira mas largo y menos tempo pa haci coreccion.
Gerencia di Departamento di Impuesto
30 di januari 2018