Home  |  Organisatie  |  Vacatures
 
18 juli 2019
 

Persberichten

Huidige artikelen

maandag 16 juli 2012 - Haya sa mas di grondbelasting 2012

Aña 2012 ta e prome aña di otro ciclo di 5 aña

ORANJESTAD – Siguientemente Servicio di Impuesto ta duna un splicacion den liña grandi relaciona cu e cobransa di grondbelasting di aña 2012 fecha 27 di juli 2012, cu recientemente a sali.

Ken ta paga grondbelasting?
Tur esnan cu riba dia 1 di januari, ta doño huridico di un bien inmobil of 'propiedad', tin cu paga grondbelasting. Mescos ta conta pa tur esnan cu tin beneficio di un propiedad a base di e derecho di '; 'vruchtgebruik' of derecho di erfpacht.
Pues, grondbelasting ta conta tanto pa tereno erfpacht of tereno eigendom. Si ta trata di un tereno erfpacht (cu of sin edificio riba dje), mester paga tanto e canon di erfpacht como grondbelasting. Pa tereno eigendom ta paga solamente grondbelasting.

1 di januari
E fecha di 1 di januari ta determinante pa por sa kende ta esun cu tin cu ricibi e cobransa.
Si acaso a bende un cas den curso di aña 2012, e doño anterior lo ricibi un cobransa riba e cas ey te cu aña 2012. E doño nobo lo ricibi su cobransa riba e cas cu el a cumpra entrante aña 2013.

Con ta determina e cobransa?
En principio ta determina e cobransa a base di e balor di propiedad. Pa esaki ta tuma como punto di salida:
1. e balor economico; esaki ta e balor di e propiedad si bende bou circunstancia normal of
2. e balor di huur anual; esaki ta e balor di huur cu por pidi pa e propiedad bou circunstancia normal.
Circunstancia normal ta nifica: e prijs normal riba mercado y no e prijs cu ta duna na famia of amigo.
Mester remarca si, cu por tin cambio den calculacion di e balor segun e dos puntonan ariba menciona, depende e condicion di e propiedad.

Periodo di 5 aña
Cada 5 aña ta reevalua e balor di e propiedadnan y ta stipula un balor nobo y a base di e balor nobo aki ta fiha e suma nobo di cobransa. E cobransa mes ta sali tur aña y durante 5 aña e cliente no lo mira cambio den e suma di grondbelasting. Tin excepcion si, por ehempel si durante e 5 añanan a bin cambio den e propiedad(nan) cu ta afecta e balor directamente.

Aña 2012 ta cuminsa un ciclo nobo di 5 aña y pa esaki Servicio di Impuesto a reevalua e balor di tur propiedad. Esaki ta nifica cu un cliente cu ricibi su cobransa di grondbelasting di aña 2012 por ripara cu e suma di su grondbelasting a cambia. E balor di propiedad nobo en principio ta keda valido tambe pa e añanan 2013, 2014, 2015 y 2016.

Cambio di balor durante periodo di 5 aña
Si durante e periodo di 5 aña, e situacion of condicion di un propiedad a cambia di tal forma cu esaki tin consecuencia pa e balor, e ora Inspector por cambia e balor registra di e propiedad ey durante e periodo di 5 aña. Un propiedad por cambia di balor pa motibo di por ehempel:
- bijbouw;
- renobacion;
- destruccion debi na candela, temblor of otro desaster natural;
- traspaso di propiedad por ehempel ora di bendemento, duna como regaldo of herencia;
- cambio den destinacion di e propiedad por ehempel, a dicidi di uza un cas como edificio di un negoshi (speelschool, restaurant, kapsalon).

Tarifa di grondbelasting y dispensacion
E tarifa di grondbelasting ta 0,4% di e balor total di e propiedadnan. Pero prome cu calcula e suma di grondbelasting, mester deduci e suma di Afl. 60.000,- for di e balor total ey. Kiermen riba e suma di Afl. 60.000,- aki e cliente no ta paga grondbelasting. Esaki ta e dispensacion cu tur doño di propiedad tin derecho riba dje. Aki ta sigui un ehempel di calculacion di e cobransa di grondbelasting unda cliente A tin 3 propiedad pa cual e balornan ta stipula na 85.000,-, 183.000.- y 320.000,-.

Balor total di propiedad            Afl. 588.000,-
Dispensacion                            Afl.   60.000,- -/-
Resto: (‘heffingsgrondslag’)     Afl. 528.000,- - (riba e suma aki ta aplica e tarifa di 0,4%)

E cobransa di grondbelasting ta Afl. 2.112,- pa aña (0.4% di 528.000).

Kico pa haci ora un edificio ta bashi?
Den caso cu un edificio of cas ta bashi y no ta den uzo y no ta na huur durante por lo menos 6 luna consecutivo, ta posibel pa pidi dispensacion di grondbelasting. E ora no mester paga grondbelasting riba e periodo den cua e edificio a para bashi. Den un situacion asina ta bon pa e doño(nan) acudi na seccion di grondbelasting pa evalua e posibilidadnan y e condicionnan stipula pa e casonan aki.

Si e propiedad no ta registra
Si e propiedad no ta registra ainda pa grondbelasting, mester acudi na seccion di grondbelasting mas pronto posibel y registra esaki. Pa e registracion ta necesario pa trece un rapport di taxacion no mas bieu cu 5 aña. Si no tin e rapport aki, mester trece e acta di notario cu ta mustra kende ta doño huridico di e propiedad. Tambe mester trece e polisa di seguro di candela y mapa entrega na DOW. Si tin un 'situatietekening' lo ta bon tambe pa pone esaki hunto cu e otro documentonan.
Si e cliente no registra su propiedad, e por hay’e confronta cu cobransanan cu por bay te 5 aña atras.

Obhecion
Si un cliente no ta di acuerdo cu su cobransa, e por entrega un carta di obhecion den cual ta splica na un manera cla cua ta e motibonan di e obhecion. Por pidi tambe pa papia cu Inspector prome cu e tuma un decision.

Ki ora por entrega un carta di obhecion?
Por entrega un carta di obhecion:
1. Den e prome aña di un ciclo nobo di 5 aña.
2. Riba un cobransa cu mester a adapta debi cu e balor di propiedad a cambia drasticamente.
Pa e carta di obhecion por uza e formulario 'Bezwaar/Uitstel van betaling aanslagen'. E formulario aki ta obtenibel na Servicio di Impuesto of via www.siad.aw. Ontvanger ta dicidi si ta honra e peticion pa posponemento di pago y ta informa e cliente por escrito.

Obhecion riba grondbelasting 2012
Debi cu aña 2012 ta e prome aña di otro ciclo nobo di 5 aña, en principio por entrega un obhecion solamente den aña 2012. Mester entrega e carta dentro di 2 luna despues di fecha di cobransa, esta no mas laat cu dia 27 di september 2012.
Solamente si den transcurso di e añanan 2013, 2014, 2015 of 2016, a presenta un situacion extraordinario (por ehempel: destruccion debi na candela), por haci obhecion den un di e añanan aki. Pa mas informacion riba esaki por acudi na e seccion di Grondbelasting.

Pospone pago den caso di obhecion
Den caso cu a entrega un carta di obhecion, por pidi tambe pa pospone e pago (uitstel van betaling) riba e cobransa - sea completamente of parcialmente - te ora cu Inspector tuma un decision riba e obhecion. Esaki por evita gasto extra por ehempel gasto di aanmaning, dwangschrift y/of interes.

Apelacion
Despues cu Inspector tuma un decision riba e obhecion, tin posibilidad di apela e decision ey na hues. Pa esaki mester entrega un carta di apelacion dentro di 2 luna despues di fecha di e decision di Inspector. Mester entrega e carta na Raad van Beroep voor Belastingzaken, situa na Wilhelminaplein 4, Willemstad, Corsou of Wayaca 33-E, Aruba.

Mas informacion
Servicio di Impuesto ta conseha tur cliente pa lesa e texto imprimi riba e cobransa di grondbelasting cu hopi atencion. Asina e clientenan ta pone nan mes miho na altura tambe di e tipo di cobransa aki.
Pa mas informacion encuanto e balor di propiedad stipula pa grondbelasting, por acudi na oficina principal di Servicio di Impuesto.
Pa asunto relaciona cu pago di cobransa por ehempel areglo di pago, mester acudi na seccion Servicio na Cliente sea na oficina principal of Oficina di gobierno na San Nicolas.


GERENCIA DI SERVICIO DI IMPUESTO
16 di juli 2012

 


 

Filter op maand

juli 2019 (1)
juni 2019 (1)
mei 2019 (3)
april 2019 (2)
maart 2019 (5)
februari 2019 (1)
januari 2019 (1)
december 2018 (6)
november 2018 (3)
oktober 2018 (2)
september 2018 (1)
augustus 2018 (2)
juli 2018 (2)
juni 2018 (7)
mei 2018 (5)
april 2018 (4)
maart 2018 (13)
februari 2018 (4)
januari 2018 (6)
december 2017 (5)
november 2017 (6)
oktober 2017 (2)
september 2017 (6)
augustus 2017 (1)
juli 2017 (1)
juni 2017 (6)
mei 2017 (6)
april 2017 (6)
maart 2017 (5)
februari 2017 (12)
januari 2017 (6)
december 2016 (4)
november 2016 (7)
oktober 2016 (6)
september 2016 (6)
augustus 2016 (3)
juli 2016 (4)
juni 2016 (2)
mei 2016 (2)
april 2016 (9)
maart 2016 (5)
februari 2016 (9)
januari 2016 (2)
december 2015 (7)
november 2015 (7)
oktober 2015 (1)
september 2015 (7)
augustus 2015 (4)
juli 2015 (1)
juni 2015 (4)
mei 2015 (1)
april 2015 (4)
maart 2015 (4)
januari 2015 (4)
december 2014 (6)
november 2014 (5)
oktober 2014 (9)
september 2014 (4)
augustus 2014 (2)
juli 2014 (2)
juni 2014 (6)
mei 2014 (2)
april 2014 (3)
maart 2014 (4)
februari 2014 (4)
januari 2014 (9)
december 2013 (6)
november 2013 (3)
oktober 2013 (1)
september 2013 (6)
augustus 2013 (1)
juni 2013 (3)
mei 2013 (3)
april 2013 (1)
maart 2013 (1)
februari 2013 (4)
januari 2013 (8)
december 2012 (4)
november 2012 (3)
september 2012 (1)
augustus 2012 (1)
juli 2012 (3)
juni 2012 (3)
mei 2012 (5)
april 2012 (3)
maart 2012 (6)
februari 2012 (3)
januari 2012 (3)
december 2011 (2)
november 2011 (2)
september 2011 (2)
augustus 2011 (1)
juli 2011 (1)
juni 2011 (4)
mei 2011 (2)
april 2011 (2)
maart 2011 (4)
februari 2011 (7)
januari 2011 (8)
december 2010 (2)
november 2010 (5)
oktober 2010 (3)
september 2010 (4)
augustus 2010 (2)
juli 2010 (4)
juni 2010 (7)
mei 2010 (2)
april 2010 (1)
maart 2010 (10)
februari 2010 (6)
januari 2010 (10)
december 2009 (12)
november 2009 (1)
oktober 2009 (4)
september 2009 (5)
augustus 2009 (1)
juli 2009 (2)
juni 2009 (11)
mei 2009 (2)
april 2009 (3)
maart 2009 (4)
februari 2009 (1)
januari 2009 (3)
oktober 2008 (4)