Home  |  Organisatie  |  Vacatures
 
18 juli 2019
 

Persberichten

Huidige artikelen

donderdag 26 februari 2009 - Ta importante pa reacciona riba debe di belasting atrasa

Cliente mes por evita un posibel ordo di retencion riba salario

ORANJESTAD – Servicio di Impuesto ta recorda su clientenan kendenan tin debe di belasting atrasa, cu ta importante pa reacciona riba e debe mas pronto posibel. Ta asina cu un cliente tin e obligacion legal pa cumpli cu pago di un cobransa dentro di e termino cu ley ta indica. Si e pago no sosode debidamente, automaticamente lo start e proceso di cobramento, cu gradualmente por bira mas severo.
Manera Servicio di Impuesto a comunica anteriormente na final di aña 2007, e clientenan kendenan tin debe atrasa lo por ricibi un ordo di retencion riba salario, un asina yama “loonvordering”. Esaki ta sosode ora ya a manda e cliente un recordatorio (aanmaning) y toch e pago no a tuma lugar. Un cliente lo por evita e loonvordering aki, door di paga e debe. Solamente si cumplimento di e pago ta causa dificultad financiero, por haci peticion pa un areglo di pago. Hunto cu e peticion aki, e cliente por pidi tambe pa tene cuenta cu posibel restitucion cu e ta spera di inkomstenbelasting di e añanan anterior. Actualmente Servicio di Impuesto por tene cuenta cu posibel restitucionnan te cu aña 2007. E cliente lo por haya e ora suspension di pago pa un suma igual na e suma cu e ta spera di restitucion y lo mester paga solamente e diferencia. Di e manera aki e cliente ta haya tambe mas espacio financieramente.

Kico ta un areglo di pago?
Un areglo di pago ta un combenio entre Servicio di Impuesto y un cliente, unda tur dos partido ta haci un palabracion pa paga e debe atrasa - di un of mas cobransa - dentro di un termino mas largo. Asina e cliente ta haya mas espacio financieramente pa cumpli cu e pagonan.
Si acaso e cliente no cumpli of no a cumpli debidamente cu e palabracion haci, automaticamente ta termina e combenio y Servicio di Impuesto ta cuminsa of sigui cu e proceso di cobramento.

Ta importante pa menciona cu un areglo di pago ta basa riba e debe cu e cliente tawatin na momento cu a sera e areglo. Si acaso despues e cliente a ricibi otro cobransa acerca, esaki no ta cay den e areglo palabra. E cliente lo tin cu paga e cobransa (cu el a ricibi despues) separa di e areglo. Pues un areglo no automaticamente ta conta pa tur cobransa cu sali despues. Si acaso e situacion aki ta trece dificultad financiero, e cliente por acudi na Servicio di Impuesto pa haci un adaptacion den su areglo basa riba e saldo nobo.

Ta tene cuenta cu restitucion
Manera menciona, un cliente kende ta haci peticion pa un areglo di pago, na e momentonan aki por pidi tambe pa tene cuenta cu posibel restitucion. Aki ta trata di cliente kende no a ricibi su cobransa definitivo di inkomstenbelasting di e añanan te cu 2007.
Den un caso asina, e cliente lo haya suspension di pago pa un suma igual na e suma cu e ta spera di restitucion. Eventualmente e lo tin cu paga solamente e diferencia.
Pa suspension di pago e cliente lo mester cumpli cu e siguiente condicionnan:
1. e cliente ta haci un peticion pa areglo di pago;
2. hunto cu e peticion aki, e cliente ta pidi tambe pa tene cuenta cu posibel restitucion cu e ta sperando;
3. e cliente mester a entrega tur su declaracionnan di inkomstenbelasting te cu aña 2007.

Den e proceso aki ta importante pa e cliente demostra claramente cu e ta sperando restitucion di inkomstenbelasting. Eventualmente Servicio di Impuesto lo por desconta e debe for di e futuro restitucion. Si acaso ainda ta keda un saldo pa paga, e ora e cliente lo por haya un areglo pa paga e diferencia di e suma aki. En todo caso suspension y/of areglo di pago no lo sosode automaticamente. E cliente mester actua y haci su peticionnan.

Si un cliente no ta pagando
Si acaso un cliente no ta pagando su debe; tampoco e no tin un areglo di pago of e no a cumpli cu e areglo cu el a haya, Servicio di Impuesto lo cuminsa of sigui cu e proceso di cobramento. E proceso aki ta encera cu e cliente por ricibi un aanmaning, loonvordering, dwangschrift, beslag y por termina cu findishi. Pues e proceso di cobramente gradualmente por bira mas severo. Tur cos ta depende te con leu e cliente mes ta laga e proceso continua.
Un di e posibilidadnan di e proceso ta un ordo di retencion riba salario, un asina yama “loonvordering”.
Kico ta un ordo di retencion riba salario?
Un ordo di retencion riba salario ta un exigencia di Servicio di Impuesto riba un doño di trabou pa kita un parti di salario di su empleado den caso cu e empleado aki tin debe di belasting atrasa. Ta papia di debe atrasa na momento cu e termino legal di pago di un cobransa (aanslag) ya a caduca y e cliente a ricibi un recordatorio (aanmaning) y ainda e no a haci pago y tampoco a sera un areglo di pago.
E derecho di Servicio di Impuesto pa saca un loonvordering ta hancra den articulo 10 di Landsverordening invordering directe belastingen (AB 1991 no. GT4).

Ki ora ta manda un ordo di retencion riba salario di un empleado?
Pa medio di e doño di trabou, un empleado por wordo confronta cu un ordo di retencion na momento cu:
1. e termino legal di pago di un cobransa a pasa;
2. e empleado a ricibi un recordatorio (aanmaning) pero despues di e recordatorio aki ainda
3. e no a paga su debe
4. tampoco el a sera un areglo di pago y/of tampoco a pidi suspension di pago.
Pues aki ta trata di un cliente kende no a reacciona riba su cobransa(nan) apesar cu Servicio di Impuesto ya a ofrece oportunidad pa haci pago.

Si mientrastanto un cliente a ricibi su cobransa definitivo di inkomstenbelasting y ta resulta cu e mester haya placa bek, pero na otro banda e tin debe habri, Servicio di Impuesto ta desconta e debe for di e restitucion prome cu eventualmente manda un ordo di retencion riba su salario.

Ki suma e doño di trabou por retene for di salario?
Riba e ordo di retencion ta para e suma total cu e doño di trabou mester retene di su empleado. E doño di trabou ta obliga di retene e suma y paga esaki na Servicio di Impuesto tur luna te ora e empleado a paga e debe atrasa completamente. E suma cu mester wordo reteni ta maximalmente un tercera parti di e salario netto. Esaki ta e salario cu e empleado ta haya despues di kita e loonbelasting y e seguronan social obligatorio (AOV/AWW y AZV). Pago di overtime, vakantie-uitkering, gratificacion etc. tambe ta pertenece na salario y nan tambe ta cay bou di e ordo di retencion.

Dificultad financiero
Si acaso e retencion riba salario a causa dificultad financiero pa e cliente, e cliente por entrega un peticion na Servicio di Impuesto pa un areglo di pago cu un splicacion di e motibonan. Un posibel areglo lo conta e ora pa e resto di e debe. Na e seccion di Informacion, e cliente por haci un peticion pa un areglo di pago te un maximo di 6 luna. Pa un areglo di pago di mas cu 6 luna e cliente mester haci un cita cu un asina yama “invorderaar”. E funcionario aki ta specialisa den asunto di cobramento y e lo atende e cliente personalmente. Servicio di Impuesto ta evalua tur peticion pa areglo di pago y ta dicidi si e ta honra e peticion of no. Si honra e peticion, e doño di trabou lo ricibi un notificacion di esaki.

E ordo di retencion riba salario tin preferencia legal
Normalmente un ordo di retencion di Servicio di Impuesto tin preferencia legal riba mayoria otro tipo di retencion riba salario di e empleado. Si acaso e empleado tin p.e. beslag di banco of otro institucion riba e salario, e doño di trabou mester notifica Servicio di Impuesto.

Ta importante pa reacciona
Semper ta importante pa reacciona mesora riba un cobransa. Asina cu un cliente a ricibi un cobransa y e ta di acuerdo cu ne, e tin e deber pa pag’e dentro di e termino legal. Solamente si cumplimento di e pago ta causa dificultad financiero, por haci peticion pa un areglo di pago. Si acaso e cliente no ta di acuerdo cu e cobransa, e por entrega un carta di obhecion. Importante ta pa e cliente reacciona na tempo y no laga e proceso di cobramento cu forsa di ley tuma lugar. Asina e cliente tin chens tambe pa evita paga interes.

Servicio di Impuesto ta recorda tur cliente kendenan tin debe atrasa pa reacciona mas pronto posibel y asina evita di haya un posibel ordo di retencion riba salario.
Servicio di Impuesto ta conseha e cliente cu no por paga su cobransa dentro di e terminonan legal, pa pasa mas pronto posibel na su oficina y haci un peticion pa un areglo di pago. Asina e cliente por evita cu ta cuminsa of sigui cu e proceso di cobramento di e belasting. Pues e cliente mes por evita por ehempel un aanmaning, ordo di retencion riba salario, dwangschrift of beslag.

Mas informacion
Pa mas informacion e cliente por acudi na e seccion di Informacion na oficina principal na Camacuri of na Oficina di gobierno na San Nicolas of yama na telefon 522-7423. Alabes por manda un e-mail na loonvordering@siad.aw of consulta e website www.siad.aw pa e foyetonan relaciona cu ordo di retencion.


GERENCIA DI SERVICIO DI IMPUESTO
26 februari 2009

Filter op maand

juli 2019 (1)
juni 2019 (1)
mei 2019 (3)
april 2019 (2)
maart 2019 (5)
februari 2019 (1)
januari 2019 (1)
december 2018 (6)
november 2018 (3)
oktober 2018 (2)
september 2018 (1)
augustus 2018 (2)
juli 2018 (2)
juni 2018 (7)
mei 2018 (5)
april 2018 (4)
maart 2018 (13)
februari 2018 (4)
januari 2018 (6)
december 2017 (5)
november 2017 (6)
oktober 2017 (2)
september 2017 (6)
augustus 2017 (1)
juli 2017 (1)
juni 2017 (6)
mei 2017 (6)
april 2017 (6)
maart 2017 (5)
februari 2017 (12)
januari 2017 (6)
december 2016 (4)
november 2016 (7)
oktober 2016 (6)
september 2016 (6)
augustus 2016 (3)
juli 2016 (4)
juni 2016 (2)
mei 2016 (2)
april 2016 (9)
maart 2016 (5)
februari 2016 (9)
januari 2016 (2)
december 2015 (7)
november 2015 (7)
oktober 2015 (1)
september 2015 (7)
augustus 2015 (4)
juli 2015 (1)
juni 2015 (4)
mei 2015 (1)
april 2015 (4)
maart 2015 (4)
januari 2015 (4)
december 2014 (6)
november 2014 (5)
oktober 2014 (9)
september 2014 (4)
augustus 2014 (2)
juli 2014 (2)
juni 2014 (6)
mei 2014 (2)
april 2014 (3)
maart 2014 (4)
februari 2014 (4)
januari 2014 (9)
december 2013 (6)
november 2013 (3)
oktober 2013 (1)
september 2013 (6)
augustus 2013 (1)
juni 2013 (3)
mei 2013 (3)
april 2013 (1)
maart 2013 (1)
februari 2013 (4)
januari 2013 (8)
december 2012 (4)
november 2012 (3)
september 2012 (1)
augustus 2012 (1)
juli 2012 (3)
juni 2012 (3)
mei 2012 (5)
april 2012 (3)
maart 2012 (6)
februari 2012 (3)
januari 2012 (3)
december 2011 (2)
november 2011 (2)
september 2011 (2)
augustus 2011 (1)
juli 2011 (1)
juni 2011 (4)
mei 2011 (2)
april 2011 (2)
maart 2011 (4)
februari 2011 (7)
januari 2011 (8)
december 2010 (2)
november 2010 (5)
oktober 2010 (3)
september 2010 (4)
augustus 2010 (2)
juli 2010 (4)
juni 2010 (7)
mei 2010 (2)
april 2010 (1)
maart 2010 (10)
februari 2010 (6)
januari 2010 (10)
december 2009 (12)
november 2009 (1)
oktober 2009 (4)
september 2009 (5)
augustus 2009 (1)
juli 2009 (2)
juni 2009 (11)
mei 2009 (2)
april 2009 (3)
maart 2009 (4)
februari 2009 (1)
januari 2009 (3)
oktober 2008 (4)